Aksidente

Friday, February 27, 2009

Game! Updates na lang muna tayo boks, para naman makabuwelo pagkatapos ng matagal-tagal na hibernation ng i.ph (kahit ako rin naman mismo ang nag-hibernate sa online).

Ito ang “STATE OF THE KAPI AS OF 26 FEB 2009″ na self-portrait. Ito na nga ang pinaka-accurate na depiction ng kasalukuyan kong kalagayan. In short, nasa sabog phase na naman akong muli. No, this is not a post-valentine’s phenomenon. Sa larangang iyon, masaya po kami ni PJ, medyo di lang nakakapagkita nang madalas due to certain practical constraints. Ano lang ito, isa lang sa mga regular cycles ko. O ha, ang mga lalake “meron” ding “period,” kala ninyo.

No, wala akong balak pang magpagupit. Puwede namang mag-ahit.

Ngayong araw, pinalad akong hindi maaksidente ng ikatlong beses sa loob ng magkakasunod na araw. Kahapon at nang makalawa, nabangga ako ng mga nilalang sa kalsada na pinaka-kinabubuwisitan ko talaga. Una, jeep — sinagi na nga ako’t natanggal ang bumper ko, di pa huminto kung hindi bubusinahan. Pinatawad ko na, paano ako babayaran ‘nun, nag-iipon pa yata ng pantubos sa lisensya niya, kasi tiket lang ang pinakita sa akin. (disclalimer lang ha, marami ngang jeep na barumbado, may mga maginoo rin naman at mapagbigay.)

Ikalawa, motorsiklo — tumatabi akong dahan-dahan nang may biglang bumubusinang mahaba at matinis, at ayun na nga may sumalpok na motor. Siya na nga ang kaskasero, siya pa ang galit. Buti walang pinsala sa akin o sa kanya. (disclaimer lang uli ha, marami ngang motorsiklo na buwisit talaga, may mga disiplinado rin naman.)

Kaya, iniisip ko na kanina, ano kaya ang susunod na sasagasa sa akin ngayong araw? taxi na hanep kung sumiksik at pumina; bus na mambubulaga na lang sa likod mo o sa gilid; traysikel na tatawiran ka na lang (at nakatingin sa opposite side para kunwari di ka nakita); mga naka-lower na sedan na hanep humarurot pero kapag na-humps parang binibining tumatawid sa sapa; mga SUV ng mga pulitiko, na hatak-hatak ng mga hagad at binubuntutan ng mga Revong puno ng bodyguard? Buti hindi ako minalas, hehe.

Sa mga nilista ko rito, mukhang lahat yata ng nilalang sa kalsada ay kinabubuwisitan ko ah. Oo, kung minsan, buwisit talagang magmaneho.

Lunch break ngayon. Lalabas ako maya-maya lang para mag-banko. Sa wakas!!! Nakabuo rin ng pang-time deposit. Maliit lang, it’s really not a “fortune,” pero mabuti nang itago natin iyon kaysa mapunta sa kung anu-anong mga bagay.

Sa Linggo naman ang workshop nina Mike Stern, Dave Weckl at Hiromi Uehara, as part of the Philippine International Jazz Festival this Feb-March. Sa hapon ang concert nina Hiromi’s Sonic Bloom, Spyro Gyra at iba pa. Sa Lunes naman si Mike Stern and many others. Para sa workshop, hinihintay ko pa ang reply ni Koyang Avenir kung kailangan bang magbitbit ng instrumento, “or will our ears do?” (Addenda: Sumagot na si Koyang, mukhang lecture-type ang workshop.)

 

Noong huling Sabado, nagpasimuno tayo sa Fezbook ng Memerenga. Tutal, uso ngayon ang Meme, usong-uso dati ang rengga (na medyo humina ngayon ang appeal), at ang Kilometer64 ay nagsimula naman bilang online na grupo. So there, madaming nakilahok, at ito ang resulta (post na natin, wala naman na yatang balak pang dumagdag):

Nababagay sa tinapay ang giniling na kapalaran ng tao.
Ang bayan ay parang siopao na utak ng pusa ang palaman.

Tulad ng pan de sal na lumiliit sa pagmahal ng trigo’t gasul
Pangarap ng mamamayan nababansot sa kahirapan

gayunma’y itim ang kape at matapang,
at ang tumigas na tinapa’y pampukol sa kinauukulan.

Amag na bumabalot sa naninigas na tinapay
Masahol pa ang pait na dinaranas ng taong bayan.

wala ang kapalaran ng minasang lipunan sa panaderya
kundi’y sa pugon na pinagbabaga ng masang umaalsa

at sa tadhana nilang tila kapos sa pag-asa
nananatiling alamat ang palamang wasto sa panlasa

alamat ng tinapay na sawi, panaghoy ng kape di mahigop sa init,

sa pait ng kasinungalingan, umurong ang dila, natikom ang bibig,

nawala ang panlasa, namanhid.

Sadya bang ang ating mga pandama
ay kasintigas na ng tinapay na ilang ulit nang dinaanan
ng nagsasalitang init-lamig-init?

gaya ng pandesal sa pugon, kay init,
gaya ng itim na kape’y kay pait
ng ating pandamang nagngangalit!

init ng pugong kinasasadlakan ng siopao,
apoy na tutupok sa kapalarang ligaw,
bayang ginigiling ang utak na hilaw
balang araw, kakainin ng pusang halimaw! miyaw!

 

Mga Rumengga: Kapi Capistrano, Rep. Ruffy Biazon ng Partido Liberal, Babes Alejo ng Anak ni Aling Juana/Kilometer64, Axel Pinpin ng Kilometer64/Artist’s Arrest, Mai Mislang ng Blue Rats, Toots Ople ng Blas Ople Policy Center, Alex Remollino ng Kilometer64/Artist’s Arrest at Jason Valenzuela ng Gapos.   

 

Bukas, bagong Memerenga.

Anong nangyari kay Mando Romansa? Ba, malay ko ba .   

Mando Romansa on Kalawanging Kuwerdas Podcast!

Monday, February 9, 2009

Sa lahat ng mangingibig diyan na may masalimuot na problema o makabagbag-damdaming sitwasyon, heto na ang sagot sa inyong mga katanungan!

Guest ko sa Kalawanging Kuwerdas Podcast! ang guru ng pag-ibig at kahalayan: si Mando Romansa, ang mas makinis na nilalang sa balat ng lupa!

Ipadala lang ang inyong mga katanungan sa amin by Thurdsay afternoon, sa pamamagitan ng:

• Text, kung alam ninyo ang cellphone number ko;
• Email — kapicapistrano@gmail.com;
• Comment dito sa Kalawanging Kuwerdas blog;
• Plurk o Facebook kung ka-Plurk o ka-Facebook ko kayo;
• Sa mga malakas ang loob na gustong i-record ang kanilang tanong, i-notify ninyo lang ako at tatawagan ko kayo para ilagay kayo sa phone patch.

Podcast: Creative Commons

Friday, February 6, 2009

Kalawanging Kuwerdas Podcast! Ika-6 ng Pebrero. (pindot lang!)

Side A: 1) Pasakalyeng Excited; 2) Bakit Creative Commons?; 3) Featuring…

partao direct download dito

Side B: Panayam kina Mark Laccay at Paul Pajo ng Drip. Eh, paano mo nga pagkakakitaan ang libre?

partb-1o direct download dito

partb-2o direct download dito

Side C: Ol da Musik! 1) “Flawless” ng Drip; 2) Tunkol sa CABACA o CC Asia Band Album; 3) “Freedom Zen” nina MoShang + Chang, Jui-Chuan of Taiwan; 4) “Favor Tweet” ni Takeru Ishikawa of Japan; 5) Preamble of the 1987 Constitution, as sung by the Arellano Law Singers; 6) What happens to the Gloria Forever Constitution if sung…; 7) Holy Babay.  

partc-1o direct download dito

partc-2o direct download dito

Napaaga naman ngayon ang podcast matapos hindi makapag-podcast noong nakaraang dalawang weekend. Ito ‘yung resulta ng pagpunta ko kahapon sa Creative Commons Asia & Pacific Conference. May second session dapat ngayon, pero hindi ko na napuntahan…

Anyways, mahaba-haba ang podcast na ito at mabuti nang pakinggan na lang ninyo from the start.

Many thanks to: Atty. Berne Guerrero of CC-Philippines, the first person I met in real life who was into Creative Commons; Mark Laccay and Paul Pajo, the management guys behind Drip, for granting me a sidelines interview; Chitpong Kittinaradorn of CC-Thailand whom I had a discussion with during the bus ride about the need for business models involving Creative Commons; Tyng-Ruey Chuang of CC-Taiwan who sold me the nicely packaged CABACA CD while we were discussing about the financial crisis and the tech industry; Anding Zhang of CC-China Mainland who wowed me with his presentation on the issues surrounding CC usage; and the very masipag CC-Philippines crew na iningles pa ako, because they thought I was the lone CC-Japan delegate to the conference…

Some Rights Reserved.

• Drum sample used for “podcast” intro and fillers — “chorus drums” sample of “Is Anybody Listening?” of Drip under BY-NC-SA 3.0 CC Philippine license.
• “Flawless” by Drip also under BY-NC-SA 3.0 CC Philippine license.
• “Freedom Zen” by MoShang + Chang Jui-Chuan under BY-NC-SA 2.5 Taiwan license.
• “Favor Tweet” by Takeru Ishikawa under BY-NC-SA 2.5 Taiwan license.
• “Preamble” by Arellano Law Singers under BY-NC-SA 3.0 Philippine license.

Gary Granada vs. GMA Kapuso: Musical-Mathematical Permutations and Formulas, Children’s Advocacies, Moralities of Ownership and the Anti-Piracy Crusade, Music Industry-Pharmaceutical Industry Cross-References, o ang mga Kabalintunaan ng Musika Bilang Pag-aari lalo na sa Panahon ng Krisis, BAW

Sunday, February 1, 2009

kapi.i.ph. Karapatang-ari 2009. Hindi ako kumikita sa gawaing ito, kaya dapat ay hindi rin pagkakitaan ng iba.

Nitong weekend lang ay inireklamo ng batikang singer-songwriter na si Gary Granada, sa pamamagitan ng isang Podcast, ang pagsasamantala sa kanya ng GMA. Hindi po siya minolestya, kundi ang talento po niya. Heto po, straight from the Gary’s mouth:
(more…)