Bilangan « Kalawanging Kuwerdas

Home » Post Item » Bilangan

Bilangan

Friday, December 15, 2006

Isang pang-chacha (na numbers game raw) na tula

* * *

BILANGAN
Kapi Capistrano

Inilibing na (raw) nila

sa tambak-tambak na papel sa arkibo ng Kongreso
ang resolusyong pampahaba ng kanilang buhay.

Ito, matapos nilang sindakin ang minorya
at daanin sa golpe-de-gulat ang dis-oras ng gabi:

Bitbit daw nila ang 195 mga kagalang-galang na boto,
at wala na raw magagawa ang kaawa-awang Senado.
Sampu raw nila ang 12% mula sa lumipas nang
inisyatibo, na kung mula saang sulok sumingaw.

(Maliban pa rito ang milyun-milyong ginastos
para piliting pumirma ang mga salat sa pag-intindi
sapagkat gutom sila at makinang ang salapi;

(Pati na rin ang ilan pang milyong pang-sahod
para matulog sila sa plenaryo, habang inuunan
ang mga panukalang ilang kongreso nang inaamag.)

Subalit umatras sila sa bingid ng alanganin:
Napabalitaang wala silang numero.

Hindi raw nila bitbit ang 2.9 milyong walang trabaho.
Hindi raw nila bitbit ang 24.4% pamilyang naghihirap.
Hindi raw nila bitbit ang 16.7% gutom na Pilipino.

Hindi raw nila bitbit ang isang milyon ni Garcillano,
pati na ang 65.9% nais paalisin si Gloria sa puwesto.

Hindi raw nila bitbit ang 114,221 biktima ng tuberkulosis,
ang 39,994 na dinatnan ng malaria, ang 42,451 na may kanser.
Hindi raw nila bitbit ang 190 taong sinakuna ni Milenyo,
at ang 450 buhay na sinalanta ni Reming.

Hindi raw nila bitbit ang 10,360 sanggol
na ipinapanganak nang patay, katulad

ng pag-asa ng bayang nasa naka-barong na bangkay.

Posted by kapi at 9:13 am | permalink

Add a comment

Maghalungkat

December 2006
M	T	W	T	F	S	S
« Nov		Jan »
	1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31

Arkibo

Mga Paksa

Kalawanging Kapi

Francis Y. Capistrano a.k.a. Kapi. Lalaki, 26 taong gulang, taga-lungsod-Quezon (Pilipinas). Work-alcoholic staffer ng isang senador na palengkero. Dating peryodistang pagal na sa balita. Dating aktibistang binibisita na ng katandaan. Negosyanteng ni hindi pa nakapagpupundar. Makatang tigang. Musikerong mukhasim.

Pinaka-Dinadalaw

Tungkol sa Pambansang Badyet (16092)
Isang Simulain sa Economic Democracy (7867)
Tipar Ekonomiks (work-in-progress) (7515)
Ekonomiya at mga Billboard (4452)
Negosyo Ideas (4330)

Mga Litrato

Contacts and Legal

kapicapistrano@gmail.com

lumang kapi

Technorati Profile

SOME RIGHTS RESERVED

Kalawanging Kuwerdas is licensed under a Creative Commons Attribution- No Derivative Works 3.0 Philippines License, unless stated otherwise.

Sa madaling sabi, maaari ninyong sipiin o kopyahin nang buo ang anumang artikulo o larawan o audio file dito, mangyari lamang na:

1) Laging ilakip ang pangalan ng may-ari ng blog, ang pangalan ng blog at ang URL;

2) Hindi maaaring kalikutin o manipulahin ang anumang artikulo, larawan o audio file dito nang walang pahintulot ng may-ari.

Support Creative Commons Philippines!

DISCLAIMER: Ang mga kataga at opinyong isinaad dito ng may-ari ng blog na ito ay kanya lamang at hindi kinakailangang katulad ng sa kanyang mga kinabibilangang organisasyon. Sa kabilang banda, ang mga komento at opinyong isinaad dito ng mga mambabasa ay hindi kinakailangang katulad ng sa may-ari ng blog.