Milenyo at Turon a la Mode « Kalawanging Kuwerdas

Home » Post Item » Milenyo at Turon a la Mode

Milenyo at Turon a la Mode

Thursday, September 28, 2006

Humambalos ngayong araw ang bagyong si Milenyo, na rumaragasang dumaan sa Pilipinas bandang tanghali sa bilis na mahigit 100 kilometro kada oras. Namatay ang kuryente, at hindi ako makagawa ng iba pang bagay na siyempre, kinakailangan ang kompyuter na ito.

Malamig at mahangin. Anong higit na mainam gawin kundi magpaka-baboy at kumain?

Nang tumila nang bahagya ang ulan, kumaripas kami ng utol kong si Aljohn sa Cherry Foodarama sa Congressional at bumili ng ingredients para sa pista naming tanghalian. Medyo napagastos lang ako nang husto: inabot ng lampas P1,000 ang kung anu-anong binili. Ayus lang, anim na tao naman ang pinakain ko (ako, si ermats, si Lloyd, si Aljohn, at sina Annilyn at Babylyn).

Para sa main course, bumili ako ng tatlong hiwa ng salmon, parmesan cheese, mantekilya dalawang lemon at spring onion. Si Lloyd–ang utol kong balak mag-chef–ang siyang bahalang magluto: grilled salmon in lemon butter sauce. May natira pang ispageti sa bahay, at meron naman akong imbak doon na kung-anu-anong herbs, kaya gumawa siya ng simpleng aglio e oilo.

Ako naman ang toka sa desert. Kaya bumili ako ng isang piling ng saging, pambalot ng lumpia, asukal na maskobado, chocolate syrup, at ang paborito kong mantecado ice cream ng Arce Dairy. Turon a la mode tsong!

Matagal ko nang gustong subuking gumawa ng turon a la mode. Bagay naman ang ice cream at saging (kaya nga may banana split, di ba?). At bukod doon, nakita ko na iyon sa menu ng isang mamahaling restawran. Siyempre, mamahalin din: mga P100 yata iyon kada order. Yung ginawa ko kanina, di ko lang na-kuwenta kung magkano kada piraso.

Nagkamali pa nga ako ng bili: hindi ba't saba ang ginagamit sa turon? Latundan ang binili ko. Pero masarap! Hanep ang timplada ng lakatan at maskobado kakaiba ang pagkakatunaw kaysa ordinaryong pulang asukal. Tsumamba yata ako kanina. Medyo mahirap lang magbalot, kasi baluktot ang lakatan, kinailangan pang hiwa-hiwain para tuwid ang pagka-rolyo.

Sa susunod, papasarapin ko pa lalo ang bago kong obra maestra at higit na aartehan ang presentation. Dapat may kasama nang langka sa loob ng turon. Puwede ko ring subukang gumawa ng turong saging at mangga (ano kaya kung peach mango turon?). Ganoon pa rin ang sorbetes, Arce Dairy pa rin, champion. At bukod sa chocolate syrup bilang garnishing, bubudburan ko pa ng mga dinurog na dahon ng mint at iba pang bagay na herb (ano kaya ang puwede, Javie at Denskie?).

Kakaiba talaga ang tanghaliang iyon kanina, na lumabas na candlelight dinner dahil madilim at walang ibang ilaw kundi galing sa kandila. Pagka-kain–at dahil na rin sa pagod at hirap magbalot ng saging sa dilim–diretso tulog. Kaya ayun, binangungot na nasaniban daw ang ermats ko ng kung anuman, at hindi ako makatawag ng tulong dahil hindi ako makasigaw. Nang magising ako, medyo kumakabog ang dibdib ko. Pangitain ba ito, o senyales ng kolesterol?

Sana sa kaarawan kong papalapit na, matikman ninyo ang aking turon a la mode at magpaka-baboy rin tulad ko.

Posted by kapi at 11:07 pm | permalink

Previous Comments

There are may person searching about that now they will find enough resources by your post.

Posted by Ugg Boots Clearance at June 21, 2011, 9:43 am

available for a kitchen with, after you eat something, do it on their own inside, do not get in with a petty little thief like, but also Yes, and I am learning crescent thorn in the afternoon it let Baogu

Posted by Cheap Oakley Sunglasses at June 29, 2011, 3:01 pm

Don’t stop blogging! It’s nice to read a sane commentary for once

Posted by UGG Boots Outlet at September 23, 2011, 11:32 am

Add a comment

Maghalungkat

September 2006
M	T	W	T	F	S	S
		Oct »
	1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

Arkibo

Mga Paksa

Kalawanging Kapi

Francis Y. Capistrano a.k.a. Kapi. Lalaki, 26 taong gulang, taga-lungsod-Quezon (Pilipinas). Work-alcoholic staffer ng isang senador na palengkero. Dating peryodistang pagal na sa balita. Dating aktibistang binibisita na ng katandaan. Negosyanteng ni hindi pa nakapagpupundar. Makatang tigang. Musikerong mukhasim.

Pinaka-Dinadalaw

Tungkol sa Pambansang Badyet (16092)
Isang Simulain sa Economic Democracy (7867)
Tipar Ekonomiks (work-in-progress) (7516)
Ekonomiya at mga Billboard (4453)
Negosyo Ideas (4331)

Mga Litrato

Contacts and Legal

kapicapistrano@gmail.com

lumang kapi

Technorati Profile

SOME RIGHTS RESERVED

Kalawanging Kuwerdas is licensed under a Creative Commons Attribution- No Derivative Works 3.0 Philippines License, unless stated otherwise.

Sa madaling sabi, maaari ninyong sipiin o kopyahin nang buo ang anumang artikulo o larawan o audio file dito, mangyari lamang na:

1) Laging ilakip ang pangalan ng may-ari ng blog, ang pangalan ng blog at ang URL;

2) Hindi maaaring kalikutin o manipulahin ang anumang artikulo, larawan o audio file dito nang walang pahintulot ng may-ari.

Support Creative Commons Philippines!

DISCLAIMER: Ang mga kataga at opinyong isinaad dito ng may-ari ng blog na ito ay kanya lamang at hindi kinakailangang katulad ng sa kanyang mga kinabibilangang organisasyon. Sa kabilang banda, ang mga komento at opinyong isinaad dito ng mga mambabasa ay hindi kinakailangang katulad ng sa may-ari ng blog.