‘Little Victories’ « Kalawanging Kuwerdas

Home » Post Item » ‘Little Victories’

‘Little Victories’

Tuesday, September 26, 2006

Pihado, huli na naman kami sa iskedyul: nitong susunod na Linggo dapat ang huling recording session, ngunit marami pang mga kanta na hindi naire-record o kulang pa ng instrumento't bokalista, at marami pa sa mga tula ang hindi nalalapatan ng kanta.

Pero masaya ako, tulad ni Oshti, sa mga little victories ng Tribeless Records sa halos tatlong buwan ng inisyal na operasyon bilang undie indie label (sa ngayon). Ngunit sabi nga ng Da King, marami pa kaming kakaining bigas, at marami pa kaming dadaanang makikipot na daan.

Tulad ng sabi ni Oshti na palutang-lutang sa kanyang Hempapaweed, medyo lumalawak na ang aming artist roster sa pagsali ng pilyong Los Chupacabras at ng pino't purong Shifting Sand sa dati nang kolektiba ng kaindak-indak na Kahel, kagimbal-gimbal na Balete Drive, kawili-wiling Marf Creature, at siyempre, ang Gapos (ka-ajit-ajit? ka-antok-antok? ka-ss-ss?).

Sa mga susunod na mga buwan siguro, lalawak na rin ang roster ng mga makatang kasama sa Tribeless, sampu nina Alex, Babes, Rustum, Makoy at Psy ng Kilometer 64. Si Jonar ang magiging bahala sa pangangasiwa ng bahaging ito.

Sa ngayon, wala pang tinatawag na malakihang pulong muli ng mga pasimuno ng Tribeless (ako at sina Osh, Jonar, Mic, Leo, Sami at Kaloy) dahil ang pangako namin sa isa't isa, magpupulong kami sa unang araw ng Oktubre, sa kaarawan ni Mic, kapag hawak na namin ang lahat ng materyales at bubuuin na namin ang konsepto ng unang compilation. Pero hindi! Huli kami. As usual (atitud ba talaga ito ng mga rahkstar?). Pero magyayaya nga ako ng pulong para masipat ang ginagawa ng ibang katribo.

Madami pa kaming bubunuing problema, base sa mga naranasan na nami't nakalap ng impormasyon. Mukhang kailangan na naming magpa-register sa SEC. Kasi naman, naglabas ang OMB ng bagong regulasyon na bago ka makapagpagawa ng CD sa mga CD press, kailangan munang kumuha ng clearance mula sa kanila. Kahit maliit na bilang lang (mabigat na nga para sa bulsa namin ang 500 CD), basta ibebenta, commercial na operasyon na iyon. Basta ibebenta. Apat na libo yata ang producer's license, at may iba pang lisensya, depende sa sitwasyon. Pang-deter diumano ng piracy.

Bale, isipin ninyo: katakut-takot na mga bayarin para sa aming magsisimula pa lamang na indie record label, bukod pa sa perwisyo sa red tape at pasanin na buwis. Kaya maraming negosyo ang nananatili sa underground. At kami, mukhang kailangang manatiling undie indie sa ngayon. Hindi puwedeng manatili kami sa ganitong sitwasyon, dahil hindi namin maipagtatanggol ang mga karapatan ng aming mga artista kapag ganito.

Si Doods talaga. Palibhasa, maliit lang ang badyet na binibigay sa kanya ni Madam, kaya naghahanap ng pagmumulan ng pondo para sa mga raid niya ng mga pirata (Pero iba talaga ang hinala ko: hindi mga pirata ang target ng nasabing regulasyon kundi mga nagpapa-reproduce ng mga propaganda video ng oposisyon at mga Garci CDs).

Sana mabasa ni Doods ito at maisip niya ang implikasyon nito sa mga indie, na hindi lang mga kabataang walang magawa kundi precisely may magawa, kahit papaano, upang umunlad ang kulturang Pilipino. (O ha?)

Posted by kapi at 8:53 am | permalink

Previous Comments

pangalawang araw ng oktubre bday ko hindi una. btw kung may pagpupulong sa oct 1, sa gabi na. may family affair sa bahay lunch time til afternoon (ka-bday ko nga si erpats di ba). at di ako magpapainom pa. may mga kelangan pa ako bayaran na personal at acad purchases (at regaluhan ko muna sarili ko…selfish ako ehehehe).

at nangako ba ako na magkikita sa unang araw ng oktubre? makalimutin na rin ata ako. bwakananginang stress.

Posted by mic at September 27, 2006, 11:19 am

Add a comment

Maghalungkat

September 2006
M	T	W	T	F	S	S
		Oct »
	1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

Arkibo

Mga Paksa

Kalawanging Kapi

Francis Y. Capistrano a.k.a. Kapi. Lalaki, 26 taong gulang, taga-lungsod-Quezon (Pilipinas). Work-alcoholic staffer ng isang senador na palengkero. Dating peryodistang pagal na sa balita. Dating aktibistang binibisita na ng katandaan. Negosyanteng ni hindi pa nakapagpupundar. Makatang tigang. Musikerong mukhasim.

Pinaka-Dinadalaw

Tungkol sa Pambansang Badyet (16092)
Isang Simulain sa Economic Democracy (7867)
Tipar Ekonomiks (work-in-progress) (7516)
Ekonomiya at mga Billboard (4452)
Negosyo Ideas (4331)

Mga Litrato

Contacts and Legal

kapicapistrano@gmail.com

lumang kapi

Technorati Profile

SOME RIGHTS RESERVED

Kalawanging Kuwerdas is licensed under a Creative Commons Attribution- No Derivative Works 3.0 Philippines License, unless stated otherwise.

Sa madaling sabi, maaari ninyong sipiin o kopyahin nang buo ang anumang artikulo o larawan o audio file dito, mangyari lamang na:

1) Laging ilakip ang pangalan ng may-ari ng blog, ang pangalan ng blog at ang URL;

2) Hindi maaaring kalikutin o manipulahin ang anumang artikulo, larawan o audio file dito nang walang pahintulot ng may-ari.

Support Creative Commons Philippines!

DISCLAIMER: Ang mga kataga at opinyong isinaad dito ng may-ari ng blog na ito ay kanya lamang at hindi kinakailangang katulad ng sa kanyang mga kinabibilangang organisasyon. Sa kabilang banda, ang mga komento at opinyong isinaad dito ng mga mambabasa ay hindi kinakailangang katulad ng sa may-ari ng blog.